एजेन्सी । एकदिवसीय विश्वकप क्रिकेटका लागि अफगानिस्तान क्रिकेट टोली आज मंगलबार (२६ सेप्टेम्बर)भारत पुगेको छ ।
विश्वकप २०२३ अक्टोबर ५ बाट खेलिनेछ । अफगानिस्तानको टोलीले भारत पुगेपछि सामाजिक सञ्जालमा तस्बिरहरु शेयर गरेको छ । जानुअघि पनि टोलीले सामाजिक सञ्जालमा थुप्रै तस्बिर शेयर गरेको थियो ।
अफगानिस्तानको टोलीले विश्वकप सुरु हुनुअघि दुई अभ्यास खेल खेल्नेछ । पहिलो खेल २९ सेप्टेम्बरमा दक्षिण अफ्रिका र दोस्रो खेल ३ अक्टोबरमा श्रीलंकासँग हुनेछ ।
अफगानिस्तानको पहिलो खेल बंगलादेशसँग र दोस्रो खेल भारतसँग हुनेछ । भारत र अफगानिस्तानबीचको खेल अक्टोबर ११ मा दिल्लीको अरुण जेटली स्टेडियममा हुनेछ । अफगानिस्तानले सेमिफाइनलअघिको अन्तिम खेल नोभेम्बर १० मा दक्षिण अफ्रिकासँग खेल्नेछ ।
