आइसिसी विश्वकप क्रिकेट अन्तर्गत आज भारतको धर्मशालामा बंगलादेशले टस जितेर पहिले क्षेत्ररक्षण (फिल्डिङ) गर्ने निर्णय गरेको छ ।
यस प्रतियोगितामा इङल्यान्ड र बंगलादेश दुबै दोस्रो खेल खेल्दैछन् । पहिलो खेलमा इङल्यान्ड न्यूजील्यान्डसँग नराम्रोसँग पराजित भएको थियो । डिफेन्डिङ च्याम्पियन इङल्यान्ड अंकविहीन छ ।
तर बंगलादेशले अफगानिस्तानलाई यही मैदानमा हराएर दुई अंक जोडेको छ ।
इङल्यान्डको टिम
जस बटलर, जोनी बेयरस्टो, ह्यारी ब्रुक, साम कुरन, लियाम लिभिङस्टोन, डाविड मलान, अदिल रसिद, जो रुट, रीज टप्ले, क्रिस वोक्स, मार्क उड
बंगलादेशको टिम
शकिब अल हसन (कप्तान), तन्जिड हसन, नजमुल शान्टो, लिटोन दास, मेहदी हसन, मेहदी हसन मिर्जा, मुस्फिकर रहिम, मुस्तफिजुर रहमान, शोरिफुल इस्लाम, टस्किन अहमद, तोहिद हृदोय
आजै पाकिस्तान र श्रीलंकाबीच दोस्रो खेल हैदराबादमा हुनेछ । दिवारात्रि यस खेलमा पाकिस्तान लगातार दोस्रो खेल जित्ने प्रयासमा हुनेछ ।
