प्युठान । प्युठानको स्वर्गद्वारी जाँदै गरेको जीप दुर्घटनामा परी मृत्यु हुनेको संख्या पाँच पुगेको छ।
स्वर्गद्वारी मन्दिर नजिकैको रुमालेमा आज बिहान पवित्र तिर्थस्थल स्वर्गद्वारी दर्शन गर्न जाँदै गरेको लु १ च १६५५ नम्बरको जीप दुर्घटना हुन पुगेको थियो । २ जनाको घटनास्थलमै र ३ जनाको उपचारको क्रममा मृत्यु भएको प्रहरीले जनाएको छ । मृत्यु हुनेमा जिल्ला प्रशासन कार्यालय गुल्मीका प्रशासकीय अधिकृत श्यामलाल न्यौपाने, ईश्वरी भण्डारी, सुर्य पन्थी, यमलाल पन्थी र केशव कार्की रहेका छन् ।
गाडीमा १५ जना सवार रहेको बताइएको छ । दुर्घटनास्थलमा उद्दारका लागि स्थानीयबासी, नेपाल प्रहरी, नेपाली सेना परिचालन गरिएको छ ।
