एजेन्सी । भारतमा कोरोना भाइरसको संक्रमणको दोस्रो लहर सुरु भएसँगै दैनिक उच्च संख्यामा संक्रमित थपिदै आएका छन् ।
पछिल्लो २४ घण्टामा भारतमा १ लाख ८५ हजार भन्दा बढीमा कोरोना भाइरसको संक्रमण पुष्टि भएको छ भने १ हजार २६ जनाको मृत्यु भएको छ ।
यसैबीच भारतको उत्तर प्रदेश राज्यका मुख्यमन्त्री योगी आदित्यनाथलाई पनि कोरोना संक्रमण भएको छ ।
मुख्यमन्त्री आदित्यनाथले आफूलाई कोरोना संक्रमण भएको ट्वीटरमार्फत जानकारी गराएका हुन् ।
यस्तै उनले आफू सेल्फ आइसोलेसनमा रहेको र चिकित्सकको परामर्शलाई पूर्ण रुपमा पालन गरिरहेको पनि जानकारी दिएका छन् ।
