काठमाडौं । काठमाडौं उपत्यकासहित ठूला शहरका विद्यालय एक महिना बन्द गर्न स्वास्थ्य तथा जनसंख्या मन्त्रालयले सिफारिस गरेको छ ।
अनलाइन कक्षामार्फत पठनपाठनलाई त्यसको विकल्पको रुपमा लिन स्वास्थ्य मन्त्रालयले सुझाव गरेको छ ।
हाल देखिएको कोरोनाभाइरसको नयाँ भेरियन्ट युवा र कम उमेर समूहमा देखिएको निष्कर्ष निकाल्दै मन्त्रालयले कम्तीमा ३० दिन विद्यालय बन्द गरी पठनपाठन अनलाइनमार्फत गराउन खोजेको हो ।
१८ वर्षभन्दा कम उमेरका लागि भ्याक्सिन नबनेकाले पनि संक्रमण बढ्न दिन नहुने स्वास्थ्यमन्त्री हृदयेश त्रिपाठीले बताउनुभयो ।
स्वास्थ्य मन्त्रालयमा मंगलबार पत्रकारहरुलाई जानकारी गराउँदै मन्त्री त्रिपाठीले यसबारे कोभिड–१९ संकट व्यवस्थापन केन्द्र (सीसीएमसी) र मन्त्रिपरिषदमा पनि छलफल भएको र औपचारिक निर्णय हुन बाँकी रहेको पनि उहाँले जानकारी दिनुभयो।
