काठमाडौँ । भारतका स्टार ब्याट्सम्यान विराट कोहलीले एकदिवसीय करिअरमा ४९ औं शतक बनाएका छन् । उनले विश्वकप २०२३ अन्तर्गत दक्षिण अफ्रिकाविरुद्ध शतक बनाएका हुन् ।
आज आफ्नो जन्मदिनलाई विशेष बनाउँदै कोहलीले सचिन तन्दुलकरको एकदिवसीय क्रिकेटमा सर्वाधिक शतक (४९) को कीर्तिमानी बराबरी समेत गरे । कोहलीले ११९ बलमा शतक बनाए । यो उनको एकदिवसीय करियरको ४९ औं शतक थियो ।
सचिनले ४५२ ओडीआई इनिङ्समा यो काम गरेका थिए भने कोहलीले आफ्नो २७७ औं ओडीआई इनिङ्समा ४९ शतक बनाए । त्यसमा विशेष के थियो भने आज आफ्नो जन्मदिनमा शतक बनाएर कीर्तिमानको बराबरी गरे । जारी विश्वकपमा उनको यो दोस्रो शतक हो ।
