काठमाडौं । प्रतिपक्षी दल नेपाली कांग्रेसका नेता तथा प्रतिनिधि सभाका सांसद गगन थापाले कोरोनाका कारण सबैभन्दा बढी पर्यटन क्षेत्रमा लाखौँले रोजगारी गुमे पनि सरकारले ठोस कदम नचालेको आरोप लगाउनुभएको छ ।
सोमबार प्रतिनिधि सभाको बैठकमा बोल्दै नेता थापाले वैदेशिक रोजगारीमा रहेका लाखौँले रोजगारी गुमाए पनि सरकारले उनीहरुका निम्ती पहलकदमी नगरेको बताउनुभएको हो ।
नेता थापाले दक्षिण कोरियाको भाषा तथा सिप परीक्षा उत्तिर्ण गरेका करिब १० हजार ५ सय नेपाली अझै अन्योलमा रहेको प्रति सरकारको ध्यानाकर्षण गराउनुभयो ।
