एजेन्सी । क्रिकेट विश्वकप २०२३ अन्तर्गतको अन्तिम लिग खेलमा आज इङ्गल्याण्डले पाकिस्तानलाई सेमिफाईनलमा पुग्न ३ सय ३८ रनको लक्ष्य दिएके छ । अब पाकिस्तानलाई सेमिफाईनलमा पुग्न ६.४ ओभरमा आफ्नो लक्ष्य पूरा गर्नुपर्ने हुन्छ ।
विश्वकपको सेमिफाइनलमा यसअघि नै भारत, दक्षिण अफ्रिका र अस्ट्रेलिया पुगिसकेको छ । अब न्युजिल्यान्ड र पाकिस्तान मध्ये एक टीमले सेमिफाइनलमा स्थान बनाउनेछन् । अन्तिम खेलमा श्रीलंकालाई पाँच विकेटले पराजित गरेसँगै न्युजिल्यान्डको नेट रन रेट ०.७४ छ । न्युजिल्यान्डलाई उछिन्दै सेमिफाईनलमा स्थान बनाउन पाकिस्तानले ६.४ ओभरमा आफ्नो लक्ष्य पूरा गर्नुपर्ने हुन्छ । सामान्य जितमा मात्रै पाकिस्तान सेमिफाईनलमा पुग्न सकदैन ।
कोलकाताको इडेन गार्डेनमा टस जितेर पहिले ब्याटिङ गरेको इंग्ल्याण्डले निर्धारित ५० ओभरमा ९ विकेटको क्षतिमा ३ सय ३८ रन बनायो । इंग्ल्याण्डका लागि बेन स्टोक्सले सर्वाधिक ८४ रन बनाए । त्यस्तै, जो रुटले ६० तथा डेभिड मलानले ३१ र ह्यारी ब्रुकले ३० रनको योगदान दिए ।
पाकिस्तानका लागि ह्यारिस राउफले ३ तथा शाहीन शाह अफ्रिदी र मोहम्मद वसिमले २–२ विकेट लिए ।
