काठमाडौं । राप्रपा नेपालका अध्यक्ष कमल थापाले प्रशासनिक दमनबाट नभै वार्ता र सहमतिको आधारमा समाधान खोज्न आग्रह गर्नुभएको छ ।
राष्ट्र, राष्ट्रियता, धर्म, संस्कृति र नागरिक बचाउ महाअभियानमा सहभागी भएकाहरु माथी सरकारले धरपकड गरेपछि अध्यक्ष थापाले यस्तो आग्रह गर्नुभएको हो ।
थापाले सामाजिक संञ्जालमा लेख्नुभएको छ-
शान्तिपूर्ण विरोध प्रदर्शन,जुलुस र सभा गर्नपाउने संवैधानिक अधिकारको अपहरण गर्दै आज काठमाण्डौमा जथाभावी धरपकड गर्ने,नजरबन्द गर्ने र प्रदर्शन निषेधगर्ने सरकारको निरंकुश र दमनकारी कार्यको राप्रपा नेपाल भत्सर्ना गर्दछ।प्रशासनिक दमनबाट होईन वार्ता र सहमतिको आधारमा समाधान खोजिनुपर्छ ।
