काठमाडौं । आज नेकपा एमालेको झलनाथ खनाल–माधव नेपाल पक्षले बागमती प्रदेशको समानान्तर कमिटी घोषणा गर्दैछ । आज दिउँसो १२ बजे बल्खुस्थित सिद्धिगणेश पार्टी प्यालेसमा बस्ने वागमती प्रदेशको स्थायी समिति बैठकले सो प्रदेशको समानान्तर कमिटी घोषणा गर्न लागेको हो ।
सर्वोच्च अदालतले नेकपा विभाजन गर्ने फैसला गरेसँगै पछिल्लो समय एमालेमा केपी शर्मा ओली र झलनाथ खनाल माधव नेपाल पक्षले समानान्तर ढंगले गतिविधि गर्दै आएका छन् । अध्यक्ष केपी ओलीको कार्यशैलीप्रति चर्को असन्तुष्टि जनाएको खनाल नेपाल पक्षले यसअघि नै पार्टी सुदृढिकरण अभियान अन्तरगत तीन महिने कार्यक्रम घोषणा गरिसकेको छ ।
जुन अभियान अन्तरगत वडा, जिल्ला प्रदेश हुदै विभिन्न जनवर्गीय संगठनमा पनि समानान्तर सांगठनिक संरचना बनाउने क्रम जारी छ ।
