काठमाडौं । नेकपा (माओवादी केन्द्र) को स्थायी समिति बैठक स्थगित भएको छ । अधिकांश स्थायी समिति सदस्यहरु राजधानी बाहिर रहेकाले आजको बैठक स्थगित गरिएको केन्द्रीय कार्यालका सचिव श्रीराम ढकालले जानकारी दिए ।
बैठक कोटेश्वरस्थित पार्टी कार्यालयमा ११ बजेदेखि बस्ने तय भएको थियो । गत बिहीबार बसेको बैठकले एक दुई दिनमै औपचारिक बैठक बोलाउने निर्णय गरेको थियो । आजको बैठकले सरकारलाई दिएको समर्थन फिर्ता लिएको निर्णय गरेर त्यसलाई केन्द्रीय कमिटीमा अनुमोदनमा लैजाने सक्ने बताईएको थियो ।
यस अघि नै समर्थन फिर्ता लिने सहमति भैसकेकोभएपनि आज भने औपचारिक निर्णय हुने कार्यसुची रहेको थियो ।
