काठमाडौँ । राष्ट्रिय प्रजातन्त्र पार्टी (राप्रपा) का प्रवक्ता मोहन कुमार श्रेष्ठले प्रधानमन्त्री पुष्पकमल दाहालले बालुवाटारमा टिङरिङ्ग भाँडा बज्दा पनि गणतन्त्रमाथि खतरा देख्न थाल्नु भएको टिप्पणी गर्नुभएको छ ।
बालकमारीमा भएको घटनाम प्रधानमन्त्रीले गणतन्त्र माथी षडयन्त्र हो कि भन्ने शंका गर्दै सार्बजनिक अभिव्यक्ति दिए पछि प्रवक्ता श्रेष्ठले यस्तो टिप्पणी गर्नुभएको हो ।
उहाँले सामाजिक संञ्जालमा लेख्नु भएको छ –
बालुवाटारमा टिङरिङ्ग भॅाडा बज्दा पनि गणतन्त्रमाथि खतरा देख्नुहुने प्रधानमन्त्रीले रोजगारीका लागि विदेश जान पाऊॅ भन्दा दुइ होनहार युवाले ज्यान गुमाउनुपर्ने घटनाको कारण बनेका आफ्ना दुइ मन्त्रीलाई बर्खास्त गर्नुको सट्टा गणतन्त्रमाथि षडयन्त्र भन्दै विषयान्तर गर्न खोज्नु हास्यास्पद छ। हलमा भिड देख्यो कि अन्टसन्ट बोलिहाल्ने, सडकमा भिड देख्यो कि झण्डा हल्लाउदै भिडतिर होमिने मन्त्रीको निरन्तरताले अपत्यारिलो ढंगबाट देशलाई मुठभेडतर्फ लैजाने बाटो तयार हॅुदै हो ?
