काठमाडौँ । राष्ट्रिय स्वतन्त्र पार्टी (रास्वपा)का उपसभापति स्वर्णिम वाग्लेलाई कार्यवाहक सभापतिको जिम्मेवारी दिइएको छ ।
पार्टी सभापति रवि लामिछाने २ दिन भारत भ्रमणमा रहने भएकोले उक्त अवधिका लागि कार्यवाहक सभापतिको जिम्मेवारी वाग्लेलाई दिइएको रास्वपाले जनाएको छ ।
पार्टी वरीयतामा रविपछि अर्का उपसभापति डिपी अर्याल रहेपनि अर्याल समेत रविसँगै भारत जाने भएकाले स्वर्णिमले कार्यवहाक सभापतिको जिम्मेवारी पाएका हुन् ।
सभापति लामिछाने आज र भोलि (आइतबार) भारतमा आयोजित कार्यक्रममा सहभागी हुने छन् ।
