काठमाडौँ । नेकपा (माओवादी केन्द्र)का अध्यक्ष एवम् प्रधानमन्त्री पुष्पकमल दाहाल प्रचण्डले गठबन्धनको बैठक बोलाउनुभएको छ ।
राष्ट्रियसभा चुनावको समिक्षा लगायतका विषयमा छलफलका लागि प्रधानमन्त्रीले आज अपरान्ह ४ बजेका लागि गठबन्धनको डाक्नुभएको हो ।
स्रोतका अनुसार सो बैठकमा डा. सिके राउत नेतृत्वको जनमत पार्टी, रेशम चौधरी नेतृत्वको नागरिक उन्मुक्ति पार्टी र चित्रबहादुर केसी नेतृत्वको (राष्ट्रिय जनमोर्चा)लाई पनि बोलाइएको बताइएको छ ।
सत्ता गठबन्धनबाट राष्ट्रियसभा चुनावमा भाग लिएका कांग्रेस, माओवादी केन्द्र, नेकपा (एस) र जनता समाजवादी पार्टी सहभागी हुने जनाइएको छ ।
साथै, कोशी प्रदेशको बारेमा समेत बैठकमा विशेष समिक्षा हुने बताइएको छ ।
कोशी प्रदेशमा माओवादी केन्द्रका उम्मेदवार हारेबाहेक अन्य ठाउँमा सत्ता गठबन्धनकै उम्मेदवारले चुनाव जितेका छन् ।
