काठमाडौं । प्रमुख प्रतिपक्ष दल नेकपा (एमाले)को संसदीय दलको बैठक जारी छ । बानेश्वरको लोत्से हलमा बैठक बसिरहेको सचेतक महेश बर्तौलाले जानकारी दिए ।
उनका अनुसार हिजो शनिबारबाट सुरु भएको बैठक आज सकिनेछ । हिजोको बैठकमा पार्टी अध्यक्ष तथा दलका नेता केपी ओलीले सम्बोधन गरेका थिए । अहिले सांसदहरूले आ–आफ्नो भनाइ राख्ने क्रम जारी छ ।
सांसदहरूको कुरा सुनेपछि ओलीले संसद्मा खेल्नुपर्ने भूमिकाका बारेमा निर्देश गरेर बैठक समापन गरिने छ । संसद्को हिउँदे अधिवेशन भोलि सोमबारबाट सुरु हुँदैछ ।
