काठमाडौँ । अफ्रिका कप अफ नेसन्सको उपाधि आइभोरी कोस्टले जितेको छ ।
गएराति भएको फाइनल खेलमा नाइजेरियालाई २–१ गोलले पराजित गर्दै आयोजक आईभोरी कोस्टले तेस्रोपटक अफ्रिका कप अफ नेसन्सको उपाधि जितेको हो ।
आइभोरी कोस्टको ओलम्पिक स्टेडियम अफ एविम्पेमा भएको फाइनल खेलमा ३८ औं मिनेटमा विलियम ट्रुस्ट इकंगले गोल गर्दै नाइजेरियालाई सुरुवाती अग्रता दिलाएका थिए ।
६२ औं मिनेटमा फ्रांक केसेइले गोल गर्दै आइभोरी कोस्टलाई १–१ गोलको बराबरीमा ल्याए । ८१ औं मिनेटमा सेवास्टियन हालेरले गोल गर्दै आइभोरी कोस्टलाई २–१ गोलको जितसहित उपाधि दिलाए ।
