काठमाडौँ । इन्डियन प्रिमियर लिग (आईपीएल)मा राजस्थान रोयल्सले लखनउ सुपर जायन्ट्सलाई १९४ रनको लक्ष्य दिएको छ ।
जयपुरमा जारी खेलमा टस जितेर ब्याटिङ थालेको राजस्थानले २० ओभरमा ४ विकेट गुमाएर १९३ रन जोड्यो । राजस्थानका लागि कप्तान सञ्जु सामसनले ८२ रनको (नटआउट) योगदान दिए ।
५२ बल खेलेका उनले १५७.६९ को स्ट्राइक रेटमा ६ छक्का र ३ चौका प्रहार गरे । यस्तै रियान परागले ४३, यशस्वी जैसवालले २४ तथा जोस बटलरले ११ रन जोड्दा ध्रुव जुरेल २० रनमा अविजित रहे ।
बलिङतर्फ लखनउका नवीन उल हकले २ तथा मोहसिन खान र रवी बिश्नोईले १–१ विकेट लिए ।
