काठमाडौं । वर्षाको कारण नेपाल ए र आयरल्यान्ड ए बीचको पहिलो टी-२० खेल रद्द भएको छ । काठमाडौँमा बुधबार रातिदेखि लगातार पानी परेपछि खेल रद्द भएको हो ।
आयरल्यान्ड टोलीले नेपाल ‘ए’ विरुद्ध ३ टि-२० र ३ एक दिवसीय शृंखला खेल्ने तालिका रहेको छ । खेलमा वर्षा बाधक बनेपछि नेपाल क्रिकेट संघ (क्यान) ले पुन: तालिका सार्वजनिक गर्ने जनाएको छ ।
आयरल्यान्ड ‘ए’ले नेपाली सिनियर टोली विरुद्ध २ टि-२० को शृंखला २-० ले नै गुमाएको थियो । नेपालले आयरल्यान्डलाई पहिलो खेलमा ६ विकेट र दोस्रो खेलमा ७१ रनले हराएको थियो ।
यस्तै, नेपाली सिनियर टोलीले अब भारतको गुजरातमा हुने फ्रेन्डशिप कप खेल्नेछ। टोलीले भारतमा गुजरात र बरोडा सम्मिलित त्रिकोणात्मक टि-२० शृंखला खेल्ने छ । नेपालको पहिलो खेल ३१ मार्चमा गुजरात विरुद्ध खेल्नेछ ।
