काठमाडौँ । च्याम्पियन्स लिग फुटबल अन्तर्गत सेमिफाइनलको पहिलो लेगमा जर्मन क्लब बोरुसिया डर्टमण्डले जित निकालेको छ ।
गएराति भएको खेलमा डर्टमण्डले फ्रेन्च क्लब पेरिस सेन्ट जर्मेन (पिएसजी)लाई १–० गोलले पराजित गरेको हो ।
घरेलु मैदानमा डर्टमण्डलाई जित दिलाउन एकमात्र गोल निकलास फुल्कवर्गले गरे । उनले खेलको पहिलो हाफमा ३६ औं मिनेटमा गोल गरेका हुन् । यो जितसँगै डर्टमण्डले १–० को एग्रिगेट बनाएको छ । अब दोस्रो लेग आगामी हप्ता पिएसजीको घरेलु मैदानमा हुनेछ ।
डर्टमण्डले क्वाटरफाइलनमा एट्लेटिको मड्रिडलाई तथा पिएसजीले बार्सिलोनालाई पाखा लगाउँदै सेमिफाइनलमा स्थान बनाएका थिए ।
