काठमाडौँ । म्यान्चेस्टर सिटी इंग्लिस प्रिमियर लिगको शीर्षस्थानमा उक्लिएको छ । भर्खरै सम्पन्न खेलमा सिटीले फुलहमलाई उसकै घरेलु मैदानमा ४–० गोलले हरायो ।
सिटीको जितमा होस्को जिभ्राडिओलले २ तथा फिल फोडेन र युलियन अल्भारेजले १–१ गोल गरे । खेलको १३ औं मिनेटमा जिभ्राडिओलले गोल गर्दै सिटीलाई सुरुवाती अग्रता दिलाएका थिए ।
५९ औं मिनेटमा फोडेनले गोल गर्दै सिटीको अग्रता दोब्बर पारे । ७१ औं मिनेटमा जिभ्राडिओलले व्यक्तिगत दोस्रो तथा सिटीका लागि तेस्रो गोल गरे । यस्तै, खेल सकिनै लाग्दा इन्जुरी समयमा अल्भारेजले पेनाल्टीमा गोल गर्दै सिटीलाई ४–० को जित दिलाए ।
जितसँगै सिटी अंकतालिकाको शीर्षस्थानमा उक्लिएको छ । सिटीको ३६ खेलबाट ८५ अंक छ । दोस्रो स्थानको आर्सनलको समान खेलबाट ८३ अंक छ । पराजित फुलहम ३७ खेलबाट ४४ अंकसहित १३ औं स्थानमा छ ।
