काठमाडौँ । १७ औं संस्करणको इन्डियन प्रिमियर लिग (आईपीएल) फाइनल उत्साहजनक नहुने भएको छ । चेन्नईको चेपौकमा जारी खेलमा उपाधिका लागि कोलकाता नाइट राइडर्स र सनराइजर्स हैदरावाद भिडिरहेका छन् ।
यसैबीच हैदरावादले कोलकातालाई ११४ रनको लक्ष्य दिएको छ । टस जितेर ब्याटिङ थालेको हैदरावाद १८.३ ओभरमा ११३ रनमै अलआउट भयो । हैदरावादका ब्याटिङ पुरै फ्लप सावित भयो ।
एडियन मार्करमले २०, हेनरिक क्लासेनले १६, प्याट कमिन्सले २४, नितिष रेड्डीले १३ रनमात्रै बनाउँदा अन्य ब्याट्सम्यानले दोहोरो अंकमा रन जोड्न सकेनन् ।
बलिङतर्फ कोलकाताका आन्द्रे रसेलले ३, मिचेल स्टार्क र हर्षित राणाले २–२ तथा वैभव अरोडा, वरुण चक्रवर्ती र सुनील नारायणले १–१ विकेट लिए ।
