काठमाडौँ । टी–२० विश्वकपको उद्घाटन खेलमा क्यानडाले आयोजक अमेरिकालाई १९५ रनको लक्ष्य दिएको छ ।
डालसस्थित ग्राण्ड प्रेरी क्रिकेट रंगशालामा टस हारेर ब्याटिङ थालेको क्यानडाले २० ओभरमा ५ विकेटको क्षतिमा १९४ रन जोड्यो ।
उसका लागि नवनित धालिवालले ४४ बलमा ६१ र निकोलास किर्तोनले ३१ बलमा ५१ रन जोड्दै अर्धशतकीय पारी खेले ।
यस्तै, आरोन जोनसनले २३, दिलप्रीत बजवाले ११ रन जोड्दा श्रेयस मोभवा १६ बलमा ३२ रनमा अविजित रहे ।
बलिङतर्फ अमेरिकाका अलि खान, हरमित सिंह र कोरी एन्डरसनले १–१ विकेट लिए ।
