काठमाडौँ । क्रिकेटर सन्दीप लामिछानेले नेपाली राष्ट्रिय क्रिकेट टोलीलाई शुभकामना दिएका छन् ।
अमेरिका र वेस्ट इन्डिजमा संयुक्त रुपमा आयोजना भएको टी–२० विश्वकप अन्तर्गत नेपालले आज पहिलो खेल खेल्दैछ । त्यसअघि सन्दीपले नेपाली टोलीलाई शुभकामना दिएका हुन् ।
भिसा प्रक्रियाका कारण अमेरिका जान नपाएका सन्दीपले सामाजिक सञ्जालमार्फत भनेका छन् – ‘साथीहरुलाई यो अद्भुत क्षणलाई मेरो शुभकामना । आगामी रोमाञ्चक यात्राको लागि सम्पूर्ण टिमलाई मेरो शुभकामना । आफ्नो उत्कृष्ट दिनुहोस् र विश्वभरका सबै नेपालीहरूलाई गर्व गर्नुहोस् । जय नेपाल ।’
अमेरिकाबाट भिसा पाउन नसकेपछि सन्दीपले विश्वकप गुमाएका थिए । नेपालले आज नेदरल्यान्ड्सविरुद्ध खेल्दै विश्वकपको यात्रा सुरु गर्दैछ । नेपाल र नेदरल्यान्ड्सबीचको खेल राति ९ः१५ बजे सुरु हुनेछ ।
