काठमाडौँ । टी–२० विश्वकप क्रिकेट अन्तर्गत आयोजक वेस्ट इन्डिजले न्युजिल्यान्डसामु १५० रनको लक्ष्य दिएको छ ।
ट्रिनिडाड एण्ड टोबागोस्थित ब्रायन लारा क्रिकेट एकेडेमीमा टस हारेर पहिले ब्याटिङ थालेको वेस्ट इन्डिजले २० ओभरमा ९ विकेट गुमाएर १४९ रन जोड्यो । वेस्ट इन्डिजले अन्तिम २ ओभरमा ३७ रन जोडेको थियो ।
उसका लागि शेर्फेन रदरफोर्डले विष्फोटक ब्याटिङ गरे । उनले ३९ बलमा ६८ रन जोडे । उनको ब्याटबाट ६ छक्का र २ चौका निस्कियो । यस्तै, निकोलस पुरनले १७, अकिल हुसेनले १५, आन्द्रे रसेलले १४ तथा रोमारियो शेफर्डले १३ रन जोडे ।
बलिङतर्फ न्युजिल्यान्डका ट्रेन्ट बोल्टले ३, टिम साउथी र लोकी फर्ग्युसनले २–२ तथा जेम्स निसम र मिचेल सान्टनरले १–१ विकेट लिए ।
