झापा। झापाको कनकाई नगरपालिकामा मेयर राजेन्द्र पोखरेलको बुवाको निधन हुँदा आज नगरपालिकाभर सार्वजनिक विदा दिएको छ ।
मेयर पोखरेलका बुवाको ८७ वर्षको उमेरमा हिजो पुस १५ गते निधन भएको थियो । उनको निधनको शोकमा नगरपालिकाले बिहीबार एक दिन नगरपालिकाभर सार्वजनिक विदा दिएको हो ।
नगरपालिकाका प्रमुख प्रशासकीय अधिकृत मोहन प्रसाद न्यौपानेले जारी गरेको सार्वजनिक सूचनामा आज कनकाई नगरपालिकाको कार्यालय, मातहतका सबै वडा कार्यालयहरु, स्वास्थ्य संस्था तथा शैक्षिक संस्थाहरुमा समेत सार्वजनिक विदा दिइएको उल्लेख छ ।
