एजेन्सी । बलिउडका महानायक अमिताभ बच्चनकी नातिनी नव्या नवेली नन्दको नाम लामो समयदेखि ‘गली ब्वाई’ फेम अभिनेता सिद्धान्त चतुर्वेदीसँग जोडिएको छ । यसैबीच दुवैको ब्रेकअप भएको सुनिएको छ ।
दुबै लामो समयदेखि सँगै देखिएनन् । यसबाहेक दुवैले सामाजिक सञ्जालमा पनि एकअर्कासँग दूरी कायम गरेका छन् ।
बलिउड हंगामाको रिपोर्ट अनुसार नव्या र सिद्धान्त औपचारिक रुपमा अलग भइसकेका छन् । तर, ब्रेकअपपछि पनि दुवै जना असल साथी बनेका छन् । फ्यानहरूले सामाजिक सञ्जालमा पनि यी दुईबीचको दूरी देखेका छन् ।
पहिले दुवैले इन्स्टाग्राममा एकअर्काको पोष्ट लाईक गर्थे तर अहिले त्यस्तो छैन ।
उनीहरुको डेटिङको चर्चा त्यतिबेला सुरु भएको थियो, जब दुबै जना धेरै कार्यक्रममा सँगै देखिएका थिए । दुबैजना बिदा मनाउन ऋषिकेश गएका थिए र त्यहाँको फोटो पनि सेयर गरेका थिए । दुबै एकअर्काको घरमा हुने पार्टीमा पनि सँगै देखिएका थिए ।
कामको कुरा गर्दा सिद्धान्त अन्तिम पटक नेटफ्लिक्समा रिलिज भएको ‘खो गए हम कहाँ’ मा देखिएका थिए । आगामी दिनमा उनी ‘धडक २’ मा देखिनेछन् । यसमा उनको विपरित ‘एनिमल’ फेम तृप्ति डिमरी हुनेछिन् ।
