काठमाडौं । साताको पहिलो कारोबारको दिन आइतबार कारोबारको पहिलो घण्टामा नेप्से परिसूचक ५९ दशमलव २७ अंकले ओरालो लागेको छ । आइतबार शेयर बजार २ हजार ०५१ दशमलव ५१ विन्दुबाट शुरु भएको कारोबार पहिलो घण्टामा २ दशमलव ८८ प्रतिशतले घटेर १ हजार ९९६ दशमलव १८ विन्दुमा पुगेको छ ।
आइतबार पहिलो घण्टाको अवधिमा १९० ओटा कम्पनीको १९ हजार ७२३ पटकको कारोबारमा ३८ लाख ७४ हजार २५७ कित्ता शेयरको रू. २ अर्ब ३७ करोड ८८ लाख बराबरको खरीदविक्री भएको छ । पहिलो घण्टामा कारोबारमा आएका १२ ओटा समूहको परिसूचकमध्ये सबै समूहको परिसूचक घट्दा समग्र नेप्से घटेको हो । जसमध्ये अन्य समूहको परिसूचक सबैभन्दा बढी ४ दशमलव ५५ प्रतिशतले घटेको छ ।
यस अवधिसम्म नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको रू. ४३ करोड बराबरको शेयर कारोबार भएको छ । सो अवधिसम्म कम्पनीको शेयरमूल्य रू. १ हजार ६३९ मा कारोबार भइरहेको छ ।
