काठमाडौं । श्रीलंका भ्रमणमा रहेको नेपालको दोस्रो खेल पनि वर्षाका कारण रद्द भएको छ ।
आईसीसी विश्वकप लिग २ त्रिकोणात्मक सिरिज क्यानडा भ्रमण अघि अन्तिम तयारीस्वरुप नेपाली क्रिकेट टोली श्रीलंका गएको छ ।
श्रीलंका डेभलेप्मेन्टसँग तीन एकदिवसीय अभ्यास खेलको सिरिज खेल्ने नेपालको तयारी थियो ।
मंगलबार पहिलो अभ्यास खेल पनि वर्षाका कारण हुन सकेको थिएन । आज दोस्रो खेल पनि वर्षाको कारण हुन सकेन । नेपालले तेस्रो तथा अन्तिम खेल अब बिहीबार खेल्नेछ ।
श्रीलंका भ्रमणपछि नेपाली टोली लिग २ खेल्न क्यानडा जानेछ । नेपाल, क्यानडा र ओमानबीच लिग २ मा प्रतिस्पर्धा हुनेछ ।
