काठमाडौं । सर्वोच्च अदालतले नेपाल उद्योग वाणिज्य महासंघको जारी साधारण सभा सुचारु गर्न बाटो खोलिदिएको छ । नेपाल उद्योग वाणिज्य महासंघको २ नम्बर प्रदेशका अध्यक्ष समेत रहेका शिवशंकर शाहले निर्वाचन रोक्न माग गर्दै दायर गरेको रिटको आज भएको सुनुवाईमा न्यायाधीश पुरुषोत्तम भण्डारीको इजलायसले निर्वाचन रोक्न अन्तरिम आदेश दिन अस्वीकार गरेको हो ।
सो सुनुवाईमा सर्वोच्च अदालतले निर्वाचन प्रक्रिया शुरु भइसकेकोले त्यसलाई सुचारु गर्न बाटो खोलिदिएको हो । उता महासंघका वर्तमान उपाध्यक्ष र वरिष्ठ उपाध्यक्षका प्रत्यासी चन्द्रप्रसाद ढकाल स्वयंले महासंघको यो साधारण सभा रोक्न नहुने धारणा राखेका थिए ।
ढकालको पक्षबाट अधिवक्ताहरु रमणकुमार श्रेष्ठ र ललित बस्नेतले बहस गरेका थिए । गएको चैत महिनामा हुने अधिवेशन कोभिडका कारण सरकारले नै ११ गतेदेखि लकडाउन गरेकोले स्थगित भएको थियो । निवेदक शाहले यस महासंघको निर्वाचन अवैधानिक भएको भन्दै रोक्न माग गरेका थिए । यस रिटलाई आफूले जित्ने देखेपछि आत्तिएर किशोर प्रधान समूहले निर्वाचन रोक्नका लागि यो हथकण्डा अपनाएको आरोप ढकाल समूहको छ ।
