काठमाडौँ । राष्ट्रिय स्वतन्त्र पार्टीका सभापति रवि लामिछाने पक्राउको विरोध प्रदर्शनमा सहभागी नभएका व्यक्तिलाई प्रहरीले पक्राउ गरेको छ ।
लामिछानेका स्वकीय सचिव अविनाश आचार्यका अनुसार जिल्ला प्रशासन कार्यालय नजिकै एक होटलमा चिया पिएर बसिरहेकै अवस्थामा ४ जनालाई प्रहरीले पक्राउ गरेको छ ।आचार्यका अनुसार आशिष थापा, प्रेम थापा, तेज अर्याल र साजनलाई प्रहरीले पक्राउ गरेको हो ।
सभापति लामिछानेलाई प्रहरीले म्याद थपका लागि कास्की जिल्ला अदालतमा लगेको छ । अहिले इजलासमा बहस चलिरहेको छ । बाहिर प्रदर्शन चर्कने भयले प्रहरीले उनीहरूलाई नियन्त्रणमा लिएको रास्वपाको नेताहरुले जनाएका छन् ।
