काठमाडौँ । एसिसी यू– १९ एसिया कप २०२४ का लागि नेपाली राष्ट्रिय टोली घोषणा भएको छ ।
नेपाल क्रिकेट संघ (क्यान)ले मंसिर १४ देखि युएईमा हुने खेलका लागि हेमन्त धामीको कप्तानीमा १५ सदस्यीय टोली घोषणा गरेको हो ।
टोलीमा कप्तान हेमन्त धामीसहित उपकप्तान अर्जुन कुमाल, आकाश त्रिपाठी, उत्तम रंगु थापामगर, मयन यादव, नरेन साउद, युनिसविक्रम सिंह ठकुरी, नरेन भट्ट, सन्तोष यादव, युवराज खत्री, रोशन विश्वकर्मा, विपिनकुमार महतो, अप्राजित पौडेल, अभिषेक तिवारी र रन्जित कुमार रहेका छन् ।
एसिया कपमा नेपाल समूह ‘बी’ मा रहेको छ । समूह ‘बी’मा अफगानिस्तान, बंगलादेश र श्रीलंका रहेका छन् ।
नेपालले पहिलो खेल मंसिर १४ मा श्रीलंकासँग खेल्ने कार्यतालिका छ । नेपाली टोलीको प्रशिक्षकमा शक्ति गौचन र सहायक प्रशिक्षकमा धिरेन्द्र साउद रहेका छन् ।
