काठमाडौं । नेपाल प्रिमियर लिग (एनपीएल)मा लुम्बिनी लायन्सले पोखरा एभेन्जर्सलाई १७१ रनको लक्ष्य दिएको छ ।
टीयू क्रिकेट मैदानमा टस जितेर पहिला ब्याटिङ गरेको लुम्बिनीले निर्धारित २० ओभरमा ५ विकेटको क्षतिमा १७० रन बनायो ।
लुम्बिनीका लागि कप्तान रोहित पौडेलले उत्कृष्ट ईनिङ खेले । रोहितले ५९बलमा १० चौका र ४ छक्काको सहयोगमा ९५ रन बनाए । उनले चौथो विकेटका लागि टम मुर्ससँग शतकीय साझेदारी गरेका थिए । मुर्स ४५ रनमा आउट भए ।
लुम्बिनीका दुई ओपनर शून्य रनमा आउट हुँदा सन्दीप जोराले १८ रन बनाए । विवेक २ रनमा अविजित रहे ।
बलिङमा पोखराका विपीन खत्रीले २ र म्याट क्रिट्ले एक विकेट लिए ।
