काठमाडौं । लबुचे र मनास्लु हिमाल आरोहण गर्न नेपाल आएका बहराइनका राजकुमार शेख मोहम्मद हमाद मोहम्मद अल खलिफाको टोलीले शनिबार लोबुचे हिमाल सफलतापूर्वक आरोहण गरेको छ ।आरोहण टोलीले शनिबार बिहान ८ बजेर ५० मिनेटमा ६ हजार १ सय १९ मिटर अग्लो लोबुचे हिमाल आरोहण गरेका सेभेन समिट ट्रेक्स प्रा.लि.ले जनाएको छ ।
दुईसाता अघि २ महिनाको लागि नेपाल आएको राजकुमार सहितको आरोहण टोलीलाई एक साताको क्वारेन्टिन बसाई अवधि पुरा गरेपछि आश्विन ६ गते मंगलबार पर्यटन बिभागले आरोहण अनुमति दिएको हो ।
यो आरोहण दलमा १८ सदस्य रहेका छन् ।बहराइनका राजकुमार शेख मोहम्मद हमाद मोहम्मद अल खलिफाको नेतत्वको १८ सदस्यीयको हिमाल आरोहणको ब्यबस्थापन सेभेन समिट ट्रेक्स प्रा.लि.ले मिलाएको हो ।
