काठमाडौं । डा. उपेन्द्र कोइरालाले राष्ट्रिय वाणिज्य बैंकको सञ्चालक समितिको सदस्यको रुपमा सपथ लिएका छन् । उपप्रधानमन्त्री तथा रक्षामन्त्री ईश्वर पोखरेलका सम्धी रहेका कोइरालालाई नियुक्ति दिएको भन्दै सार्वजनिक आलोचना भएपछि उनी हाल बैंकको सञ्चालक समितिको अध्यक्ष चयन भएका छैनन् ।
बैंक स्रोतका अनुसार अब बस्ने सञ्चालक समिति बैठकले कोइरालालाई अध्यक्ष चयन गर्नेछ । उनले सपथ लिएपछि अब अध्यक्ष बन्ने पक्का भएको स्रोतको भनाइ छ ।
कोइरालाले बैंकको सञ्चालक समितिको अध्यक्षता गर्दै आएका सञ्चालक धनीराम शर्मासमक्ष सपथ लिएका छन्।
