एजेन्सी । बलिउड अभिनेता सुशान्त सिंह राजपूतको मृत्यु प्रकरणमा बुधबार मुम्बई उच्च अदालतमा सुनुवाइ हुँदैछ । शिवसेना (उद्धव गुट) का विधायक आदित्य ठाकरेको नाम उच्च अदालतमा दायर जनहित याचिकामा छ ।
जसमा सुशान्तकी पूर्व म्यानेजर दिशा सालियनको मृत्युको छानबिन गर्न माग गरिएको छ । यो याचिका भारतको सर्वोच्च अदालत र उच्च न्यायालय लिटिगेन्ट्स एसोसिएसनले २०२३ मा दायर गरेको थियो
३ दिनअघि सुशान्तका बुवा केके सिंहले सुशान्त मृत्युको ३–४ दिनअघि घर आएको र त्यस्तो केही नभएको बताएका थिए । यो घटनाको वास्तविकता र दोषी को थिए भन्नेमा अब बाहिर आउने आशा छ । अदालतबाट न्याय मिल्नेमा सुशान्तका बुबा आशावादी छन् ।
सुशान्त सिंह राजपुत १४ जुन २०२० मा बान्द्रास्थित आफ्नै घरमा मृत फेला परेका थिए । सुरुमा यो आत्महत्याको घटना देखिए पनि पछि मिडिया र विपक्षी दलको दबाबका कारण यस प्रकरणको अनुसन्धान सीबीआईलाई सुम्पिएको थियो ।
सीबीआईको अन्तिम प्रतिवेदनमा मृत्युको वास्तविक कारण आत्महत्या भएको बताइएको छ ।
सुशान्तको मृत्यु हुनुभन्दा केही दिनअघि ८ जुनमा मुम्बईको मलाडस्थित एउटा भवनको १४ औं तलाबाट खसेर उनको म्यानेजर दिशा सालियनको मृत्यु भएको थियो । दुबैको मृत्यु शंकास्पद थियो तर अहिलेसम्म कुनै जानकारी सार्वजनिक गरिएको छैन ।
