बाँके । कोरोना संक्रमणबाट बाँकेमा थप एकजना संक्रमितको मृत्यु भएको छ । नेपालगञ्ज उपमहानगरपालिका-७ कि ७० वर्षीया संक्रमित महिलाको नेपालगञ्ज मेडिकल कलेज शिक्षण अस्पताल कोहलपुरमा उपचारको क्रममा मृत्यु भएको हो ।
अस्पतालका उपनिर्देशक डाक्टर दिनेश श्रेष्ठका अनुसार वृद्धाको बिहीबार बिहान साढे १० बजे कोभिड आईसीयू कक्षमा उपचारका क्रममा मृत्यु भएको हो ।
महिला दम बढेपछि यही भदौ ३ गते नेपालगञ्जको नर्सिङ होममा भर्ना भएकी थिइन् । पीसीआर जाँच गर्दा पोजेटिभ देखिएपछि कोहोलपुर पठाइएको थियो । स्वास्थ्य अवस्था जटिल बनेपछि उनलाई आईसीयूमा राखेर उपचार गरिएको थियो ।
