काठमाडौँ । सिंगापुरविरुद्धको अन्तर्राष्ट्रिय मैत्रीपूर्ण खेल तथा मलेसियाविरुद्धको एएफसी एसियन कप छनोट खेलका लागि राष्ट्रिय फुटबल टिमको घोषणा गरिएको छ ।
नवनियुक्त मुख्य प्रशिक्षक म्याट रसले सोमबार २३ सदस्यीय टोलीको घोषणा गरेका हुन् ।
नेपालले मार्च २१ मा सिंगापुरसँग उसको मैदानमा खेल्नेछ, भने मार्च २५ मा मलेसियासँग एएफसी एसियन कपको छनोट खेल खेल्नेछ ।
एक वर्षको कार्यकालका लागि नियुक्त भएपछि रसको प्रशिक्षणमा नेपालले पहिलो खेल खेल्दैछ ।
नेपाली राष्ट्रिय फुटबल टिमः
गोलकिपर– किरण चेम्जोङ, दीप कार्की र अन्जल श्रेष्ठ ।
डिफेन्डर– अनन्त तामाङ, बिमल पाण्डे, सनिश श्रेष्ठ, रन्दिप पौडेल, सुमित श्रेष्ठ, अभिषेक लिम्बु र सुमन श्रेष्ठ ।
मिडफिल्डर– रोहित चन्द, लाकेन लिम्बु, रोहन कार्की, मणि लामा, भरत खवास, एरिक विष्ट, मनिष डाँगी र कृतिश रत्न छुन्जु ।
फरवार्ड– जिलेस्पी जंग कार्की, अन्जन विष्ट, सुवास ठकुरी बाम र रेजिन सुब्बा ।
