काठमाडौँ । स्पेनिस क्लब रियल मड्रिड फिफा क्लब विश्वकपको सेमिफाइनलमा प्रवेश गरेको छ ।
गएराति भएको क्वाटरफाइनलमा जर्मन क्लब बोरुसिया डर्टमण्डलाई ३–२ गोलले हराउँदै रियलले सेमिफाइनलमा स्थान बनाएको हो ।
खेलको १० औं मिनेटमा नै गोन्जालो गार्सियाले गोल गर्दै रियललाई सुरुवाती अग्रता दिलाएको थियो । २० औं मिनेटमा फ्रान गार्सियाले गोल गर्दै रियलको अग्रता दोब्बर पारे ।
यता, खेलको इन्जुरी समयमा ९०+२ औं मिनेटमा म्याक्सिमिलियन बिअरले गोल गर्दै डर्टमण्डलाई १–२ मा ल्याए । ९०+४ औं मिनेटमा किलियन एमबाप्पेले गोल गर्दै रियललाई ३–१ मा पुर्याए । ९०+८ औं मिनेटमा डर्टमण्डले गोल गर्यो ।
शेरहु गुइरासीले पेनाल्टीमार्फत गोल गर्दै डर्टमण्डलाई २–३ मा ल्याएपनि त्यतिन्जेल ढिलो भइसक्यो र रियल ३–२ ले विजयी बन्दै सेमिफाइनलमा प्रवेश गर्यो ।
रियलले अब सेमिफाइनलमा पिएसजीको सामना गर्नेछ । पिएसजीले बायर्न म्युनिखलाई हराउँदै सेमिफाइनलमा स्थान बनाएको हो ।
