काठमाडौं। हनुमानढोका दरबार क्षेत्र शताब्दीयौँ देखिको राजकीय समारोह, सांस्कृतिक परम्परा र कलात्मक सम्पदाले नेपालकै इतिहासको आत्मा हो।हनुमानढोका दरबार क्षेत्र धार्मिक र सांस्कृतिक गतिविधिको केन्द्र पनि हो।
दशैंको फुलपाती यही दरबारमा भित्र्याउने परम्परा छ। जात्रा, नाचगान, र वार्षिक अनुष्ठानहरूले यो क्षेत्रलाई जीवित संग्रहालयको रूपमा उभ्याएकोछ । यहाँको ढुङ्गा, काठ र गजुरमा नेपालकै सम्पूर्ण पहिचान झल्किन्छ।
यहाँ बडादशैँको नवमीका दिन मात्र खुल्ने तलेजु भवानी मन्दिरम रहेको छ । जहाँ बुधबार बिहान सबेरै देखी साँझ सम्म पूजाअर्चना तथा दर्शन गर्न लामबद्ध भक्तजनहरुको उल्लेख उपस्थिती रहेको थियो ।
यसैगरी हनुमानढोका दरवार क्षेत्रमा रहेको कालभैरव मन्दिरमा पनि पूजाअर्चना तथा दर्शन गर्दै भक्तजनको उल्लेख्य उपस्थिती रहेको थियो । यसैगरी । जीवित देवी कुमारीको दर्शन गर्न पनि लामो लाईन लागेको थियो ।
कुमारी आर्यतारालाई मंगलबारमात्र बिराजमान गराईएको थियो । जीवित देवी कुमारीलाई विशेष शक्ति प्राप्त हुने विश्वासका साथ महानवमीको मध्यरातमा तलेजु भवानीको दर्शन गराइने प्रचलन छ । भवानीको प्रतीकका रूपमा कुमारीलाई सम्मान गरिन्छ ।
