नख्खुबाट रविको सन्देश: आवश्यक पर्दा रास्वपाले नेतृत्व र त्याग दुवै गर्छ

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले आवश्यक पर्दा रास्वपाले नेतृत्व र त्याग दुवै गर्ने जनाउनु भएको छ ।

पूर्पक्षका लागि नख्खु कारागारमा रहनु भएका लामिछानेसंगको भेटबारे जानकारी गराउदै बिगतमा उहाँको सचिवालयमा रहनु भएका प्रमोद न्यौपानेले यस्तो जानकारी गराउनु भएको हो ।

न्यौपानेका अनुसारअघिल्लो सरकारले राजनीतिक प्रतिशोधका आधारमा आफू विरुद्ध लगाएको मुद्दामा वर्तमान सरकारको धारणा पनि लामिछानेले खोज्नु भएको छ ।

उहाँको भनाई उदृत गर्दे न्यौपाले सामाजिक संञ्जालमा लेख्नु भएको छ ‘फेवर’ होइन। हिजो ‘अन्याय भयो’ भन्नेहरूले आज केही त बोल्नु पर्ला!

न्यौपाने लेख्नु भएको छ-

रास्वपा सभापति रवि लामिछानेसँग  पचास दिनपछि आज नख्खु कारागारमा भेट भयो। उहाँले भेट्न खोजेको र मैले पनि चाहेको दिन एकै परेछ, आज। ‘क्या संयोग’ भनेर हाँस्दै कुराकानी थालेको ‘ल त्यसै गरौ’ भनेर छुट्दा डेढ घण्टा बितेछ।

‘रवि दाइबारे अपडेट खै’ भनेर निरन्तर सोध्नु हुने शुभचिन्तकलाई उहाँ पूर्ववत स्वस्थ, दृढ र आत्मविश्वासी हुनुहुन्छ भन्ने जानकारी। अनि, राजनीतिक चासो लिनेरहुनेलाई अवगत गराइदिनु भन्दै उहाँले प्रष्टरुपमा चार बुँदा भन्नुभएको छ।

(१) अघिल्लो सरकारले राजनीतिक प्रतिशोधका आधारमा मविरुद्ध लगाएको मुद्दामा वर्तमान सरकारको धारणा खोजिरहेको छु, ‘फेवर’ होइन। हिजो ‘अन्याय भयो’ भन्नेहरूले आज केही त बोल्नु पर्ला!

(२) पछिल्लो जनमतका आधारमा चौथो शक्ति हुनुको नाताले वैकल्पिक र परिवर्तनकारी दल, समूह र व्यक्तिलाई एकीकृत गर्ने जिम्मेवारी रास्वपामा छ। आवश्यक पर्दा रास्वपाले नेतृत्व र त्याग दुबै गर्छ।

(३) एकपटक चिठ्ठा परेकाहरू पटक-पटक परोस् भन्ने ठान्छन्। तर, संयोग दोहोरिरहँदैन नि! भर्खरै चिठ्ठा परेका केहीलाई फेरि चिठ्ठाकै आश र लोभ छ।लोभीहरूले चिठ्ठा किन्न सक्छन। तर, फेरि पर्छ नै भन्ने हुन्न। हरेक जालमा माछा पर्दैन नि !

(४) रास्वपालाई मुलुकको नेतृत्व गर्ने दल बनाउनु छ। त्यो क्षणिक लाभ-हानी सोचेर बन्दैन। अत्यन्तै खराव परिस्थिति आए पनि रास्वपालाई एक नम्बरको शक्ति बनाउने दृढतामा कमजोर हुन्न, मेहनत र समय कति लाग्छ त्यो ठूलो कुरा होइन।