काठमाडौँ । क्रिकेटर करण केसी र मनोरञ्जन पत्रकार वर्षा बस्नेत विवाह बन्धनमा बाँधिने भएका छन् ।
क्रिकेटर केसीले शुक्रबार औँठी साटासाट गरेको तस्बिर सामाजिक सञ्जालमा राख्दै विवाह बन्धनमा बाँधिने सङ्केत दिएका हुन्।
करण र वर्षा लामो समयदेखि प्रेममा थिए । औपचारिक रुपमा स्वीकार नगरे पनि उनीहरुबीचको प्रेमबारे सामाजिक सञ्जालमा निकै चर्चा हुँदै आएको थियो ।
हिजो वर्षाले औंठीको तस्विर सामाजिक सञ्जालमा राख्दै संकेत मात्र दिएकी थिइन् । तर, आज भने दुवैले सँगै औंठी देखाएर तस्विर सेयर गरेका छन् ।
