काठमाडौँ । राष्ट्रिय स्वतन्त्र पार्टी (रास्वपा)को बृहत राजनीतिक समायोजन घोषणा सभा राष्ट्रिय सभागृहमा जारी छ ।
नागरिक उन्मुक्ति पार्टीका पूर्वनेतृत्वहरू, थरुहटरथारुवान अभियान्ताहरू र रास्वपाबीच पार्टी समायोजन सभा भएको हो ।
घोषणा सभामा पार्टी सभापति रवि लामिछाने, उपसभापति डीपी अर्याल, डा स्वर्णिम वाग्लेसहित नेता कार्यकर्ता उपस्थित हुनुहुन्छ ।
यसअघि पनि बालेन साह र कुलमान घिसिङको उज्यालो नेपाल पार्टी रास्वपामा समायोजना भए पनि औपचारिक रुपमा सभा गरेर घोषणा नगरिएकाले आजको सभा राखिएको सो पार्टीले जनाएको छ ।
नागरिक उन्मुक्तिका वरिष्ठ उपाध्यक्ष दामोदर पण्डित, नाउपा वरिष्ठ उपाध्यक्ष राजेश अधिकारी,कोषाध्यक्ष कोमल ज्ञवाली, महासचिव ठाकुरसिंह थारू, सचिव तुलसी चौधरी, लक्ष्मण थारू, नाउपा संस्थापक केन्द्रीय सदस्य सुरेन्द्र चौधरी र थरूहट(थारूवान आन्दोलन अभियानी जीवन धामी चौधरी रास्वपामा सहाहित भएका छन् ।
