काठमाडौँ । इंग्लिस प्रिमियर लिग फुटबलमा चेल्सीले हार ब्यहोरेको छ । गएराति भएको खेलमा चेल्सी फुलहमसँग २–१ गोलले पराजित भएको हो ।
घरेलु टोलिको जितमा खेलको ५५ औं मिनेटमा राउल जिमिनेज र ८१ औं मिनेटमा ह्यारी विलसनले गोल गरे । चेल्सीका लियाम डिलापले ७२ औं मिनेटमा गोल फर्काए ।
खेलको २२ औं मिनेटमा मार्क कुकुरेलाले रातो कार्ड खाएपछि चेल्सी १० खेलाडीमा समेटिएको थियो । यो नतिजापछि चेल्सी २१ खेलबाट ३१ अंकका साथ तालिकाको आठौं स्थानमा छ भने फुलहम समान अंकका साथ नवौं स्थानमा छ ।
