काठमाडौं । नेपाली कांग्रेसले केन्द्रीय कार्यसमितिको बैठक बोलाएको छ। पार्टीले भोलि बिहान ११ बजे पार्टी केन्द्रीय कार्यालयमा बस्ने गरी बैठक आह्वान गरेको हो।
बैठकमा केन्द्रीय कार्यसमितिका पदाधिकारी, सदस्यहरू तथा सातै प्रदेशका सभापतिहरूलाई अनिवार्य रूपमा सहभागी हुन निर्देशन दिइएको पार्टीका मुख्य सचिव कृष्ण पौडेलले जानकारी दिए।
महामन्त्रीद्वय गगन थापा र विश्वप्रकाश शर्माले विशेष महाधिवेशन आह्वान गरेपछि नेपाली कांग्रेस भित्र विवाद चर्किँदै गएको छ।
महामन्त्रीद्वयको आह्वानमा सुरु भएको विशेष महाधिवेशनको बन्दसत्र हाल जारी रहेको छ। पार्टीभित्र देखिएको असहमति, विशेष महाधिवेशन र पछिल्लो राजनीतिक परिस्थितिबारे छलफल गर्न केन्द्रीय कार्यसमिति बैठक बोलाइएको कांग्रेस स्रोतले जनाएको छ।
