काठमाडौं । नेपाली कांग्रेसको विशेष महाधिवेशनमा नयाँ नेतृत्व चयनका लागि निर्वाचन प्रक्रिया सुरु भएको छ ।
मंगलबार भृकुटीमण्डपमा बसेको केन्द्रीय निर्वाचन समितिले औपचारिक रूपमा निर्वाचनका कार्यक्रम अघि बढाएको जानकारी दिँदै निर्वाचन तालिका सार्वजनिक गरेको हो ।
निर्वाचन समितिका संयोजक सीताराम केसीले जारी गरेका निर्वाचन तालिका अनुसार प्रथम मतदाता नामावली प्रकाशनको लागि साढे १२ बजे देखि समय तोकिएको छ । यस्तै, मनोनयन दर्ता २ देखि ३ बजेसम्म र उम्मेदवारको अन्तिम नामावली प्रकाशन ८:४५ लाई निर्धारण गरिएको छ ।
यस्तै, नयाँ नेतृत्व चयनका लागि मंगलबार राति ९ बजेबाट भोलि बिहान १ बजेसम्म मतदानको समय निर्धारण गरिएको छ ।
