इङलिस प्रिमियर लिग अन्तर्गत आइतबार राति भएको खेलमा लिग लिडर आर्सनल अन्डरडगको रुपमा रहेको म्यान्चेस्टर युनाइटेडसँग ३–२ गोल अन्तरले पराजित भएको छ ।
यो हारसँगै आर्सनलको उपाधि दौडमा ठूलो धक्का लागेको छ किनभने दोस्रो स्थानको म्यान्चेस्टर सिटी अब आर्सनलभन्दा ४ अंकले मात्र पछि छ ।
इमिरेट्स स्टेडियममा भएको यस खेलमा पहिलो गोल भने आर्सनलले २९औं मिनेटमा गरेको थियो । म्यान्चेस्टर युनाइटेडका अनुभवी डिफेन्डर लिसान्ड्रो मार्टिनेजको गल्तीले आत्मघाती गोल मद्दतले आर्सनलले अग्रता बनाएको थियो ।
तर ३७औं मिनेटमा युनाइटेडका ब्रायन बुमो र ५० औं मिनेटमा प्याट्रिक डोर्गुले गरेका दर्शनीय गोल मद्दतले खेल २–१ को स्थितिमा थियो ।
यहीबीच ८४औं मिनेटमा आर्सनलका मिकेल मोरिनोले डिबक्स भित्रको घम्साघम्सीबीच गोल गरेर खेललाई बराबरीमा ल्याए । त्यसपछि खेल यत्तिकैमा सकिने आँकलन गरिएको थियो ।
तर युनाइटेडका म्याथिस कुन्हाले ८७औं मिनेटमा डिबक्स बाहिरबाट प्रहार गरेको बल गोलमा परिणत भयो । यसपछि पनि दुबै टिमले केही राम्रा मुभ बनाए पनि गोल हुन सकेन ।
यस जितसँगै युनाइटेडले ३८ अंक सहित लिगको चौथो स्थानमा उक्लेको छ । पछिल्ला पाँच खेलमा तीनवटा खेल बराबरी र दुई वटामा जित निकालेर युनाइटेड राम्रो लयमा देखा परेको छ ।
तर लिग लिडर आर्सनलको पछिल्ला पाँच खेल औसत छन् । यस सिजन राम्रो प्रदर्शन गरिरहेको आर्सनलले पछिल्ला पाँच खेलमा २ वटामा जित, २ वटामा बराबरी र एउटामा हार व्यहोरेको छ ।
अंक तालिका
