काठमाडौँ — राष्ट्रिय स्वतन्त्र पार्टीका सभापति रवि लामिछानेको देब्रे खुट्टामा लागेको चोटका कारण अस्पताल भर्ना हुनु भएको छ ।
लामिछाने हाल त्रिभुवन विश्वविद्यालय शिक्षण अस्पताल, महाराजगञ्जमा उपचाररत हुनुहुन्छ। लामिछानेक स्वकीय सचिव अविनाश आचार्यका अनुसार माघ ५ गते जनकपुरमा सम्पन्न एक कार्यक्रममा सहभागी हुने क्रममा लागेको चोटपछि संक्रमण बढेपछि उहाँ हाल त्रिभुवन विश्वविद्यालय शिक्षण अस्पताल, महाराजगञ्जमा उपचाररत हुनुहुन्छ। उहाँको छालाको भित्री तहमा संक्रमण (सेलुलाइटिस) भएको जनाईएको छ ।
अस्पतालका चिकित्सकहरूको परीक्षण तथा सल्लाहअनुसार संक्रमण जोखिमयुक्त हुन सक्ने भएकाले केही दिन अस्पतालमै चिकित्सकको निगरानीमा राखी उपचार गरिनु आवश्यक भएको जनाइएको छ।
पूर्ण उपचार र स्वास्थ्य लाभपछि मात्र उहाँ पुन: नियमित राजनीतिक तथा सांगठनिक गतिविधिमा फर्किने उहाँको सचिवालयले जनाएको छ ।
सभापति लामिछाने सार्वजनिक रूपमा नदेखिनु भएको विषयमा चासो, चिन्ता तथा शुभेच्छा व्यक्त गर्ने सबैप्रति धन्यवाद व्यक्त गरिएको छ।
साथै, अन्य बिरामीको उपचार प्रक्रियामा असर नपरोस् र अस्पताल प्रशासनलाई असहज नहोस् भन्ने उद्देश्यले अस्पतालमा भेटघाट नगर्न पार्टीले सबैमा अनुरोध गरेको छ।
