काठमाडौं । अख्तियार दुरुपयोग अनुसन्धान आयोगले राप्ती स्वास्थ्य विज्ञान प्रतिष्ठानका पूर्वउपकुलपति प्रा.डा . संगिता सिंह भण्डारीसहित १९ जना र एक कम्पनीविरुद्ध मुद्दा दायर गरेको छ।
आयोगले प्रतिष्ठानको सीटी स्केन मसिन खरिदमा भ्रष्टाचार गरेको आरोपमा बिहीबार विशेष अदालत काठमाडौँमा मुद्दा दायर गरिएको अख्तियारका प्रवक्ता सुरेश न्यौपाने जारी गर्नुभएको बिज्ञप्तिमा उल्लेख गरिएको छ । प्रतिष्ठानमा खरिद गरिएको सीटी स्केन मसिन निर्धारित शर्त तथा मापदण्ड बमोजिम नरहेको अख्तियारले जनाएको छ।
अख्यितारले तोकिएको मापदण्डभन्दा कमसल किसिमको मेसिन खरिद गरेर सात करोड ३१ लाख ८२ हजार ९८५ रुपैयाँ ९९ पैसा हानिनोक्सानी दाबी गरेको छ ।
आयोगले तत्कालीन उपकुलपति भण्डारीसँगै १९ जना र मेसिन आपूर्तिकर्ता हिमालयन मेडिकेट प्रालिबाट सोही बराबरको विगो असुल उपर गर्न मागदाबी गरेको छ।
अख्तियारले पूर्वउपकुलपति भण्डारीसँगै प्रतिष्ठानका तत्कालीन कायममुकायम रजिस्ट्रार तथा डेपुटी फाइनान्स म्यानेजर कैलाशप्रसाददेव, तत्कालीन निर्देशक डा. सागर पन्थी, रेडियोलोजी विभागका प्रमुख डा. बोम बीसी, तत्कालीन बायोमेडिकल इन्जिनियरद्वय शरद भण्डारी र आषुतोश भण्डारीविरुद्ध मुद्दा दायर गरेको छ।
तत्कालीन उपकूलपति प्रा.डा . संगिता सिंह भण्डारी
का.मु. रजिष्ट्रार कैलाश प्रसाद देव,
निर्देशक डा. सागर पन्थी,
रेडियोलोजी विभागका प्रमुख डा. बोम विसी.,
बायोमेडिकल इन्जिनियर शरद भण्डारी,
बायोमेडिकल इन्जिनियर आशुतोष भण्डारी,
कन्सल्टेन्ट बायोमेडिकल इन्जिनियर अमितकुमार चौधरी,
लेक्चरर डा. श्रीसिया पोखरेल,
शाखा अधिकृतहरू झन्कार लामिछाने,
लीला कुमारी देवकोटा,
मेघबहादुर अधिकारी,
आइटी अफिसर हिरालाल भण्डारी,
लेखा अधिकृत राजीव बस्नेत,
फार्मेसी सुपरभाइजर कृष्ण प्रसाद जोशी,
स्टाफ नर्स बिन्दु पौडेल,
फिजियोथेरापिष्ट पूजा ठाकुर,
कम्प्यूटर असिस्टेन्ट सतिशबहादुर शाह,
हिमालयन मेडिटेक प्रालि तथा उक्त कम्पनीका मुख्य भई कार्य गर्ने अमर श्रेष्ठ र सन्जु राजकर्णिकार।
[pdf-embedder url=”https://newspolar.com/wp-content/uploads/2026/01/MbHtFP.pdf”]
