काठमाडौँ । आईसीसी टी-२० विश्वकपको अन्तिम तयारी स्वरुप नेपालले पहिलो ‘वार्म अप म्याच’ अन्तर्गत अहिले यूएईसँग प्रतिस्पर्धा गरिरहेको छ ।
चेन्नईस्थित एमए चिदम्बरम रङ्गशालामा नेपालका कप्तान रोहित पौडेलले टस जितेर पहिले बलिङ गर्ने निर्णय लिएसँगै नेपालले अहिले फिल्डिङ गरिरहेको हो ।
यूएईले अहिले ६ ओभरमा एक विकेटको क्षतीमा ४१ रन बनाएको छ । नेपालका करण केसीले पहिलो ओभरमै यूएईको विकेट खसालेका थिए । उनले पहिलो ओभरको पाँचौ बलमा यूएईका कप्तान मुहम्मद वसिमलाई ६ रनमा पभेलियनमा फर्काएका थिए ।
नेपालले दोस्रो वार्म अप खेल बिहीबार क्यानडासँग खेल्नेछ।
