इङलिस प्रिमियर लिग अन्तर्गत गएराति भएको खेलमा लिगको शीर्ष स्थानमा रहेको आर्सनलले सन्डरल्यान्डलाई ३–० गोल अन्तरले पराजित गरेको छ ।
यो जितसँगै आर्सनलले लिगको शीर्ष स्थानलाई अझ मजबूत बनाएको छ । पछिल्लो अंक तालिकामा आर्सनल २५ खेलबाट ५६ अंक सहित शीर्ष स्थानमा छ भने दोस्रो स्थानमा रहेको म्यान्चेस्टर सिटीको ४७ अंक मात्र छ ।
लन्डनस्थित इमिरेट्स स्टेडियममा भएको खेलमा पहिलो हाफमा सन्डरल्यान्डले डिफेन्ड र आक्रमण राम्रै गरेर खेललाई प्रतिस्पर्धात्मक बनाएको थियो । तर ४२औं मिनेटमा आर्सनलका मार्टिन जुबेमेन्डीले डिबक्स बाहिरबाट प्रहार गरेको बल गोलपोस्टको बायाँ पोलमा लाग्दै जाली जुमेको थियो ।
यो पनि पढौं: म्यान्चेस्टर युनाइटेडद्वारा टोटेनह्याम पराजित
त्यसपछिका दुई गोल दोस्रो हाफमा भिक्टर ग्योकेरेसले गरेका थिए । उनले टिमका लागि ६६औं र ९४औं मिनेटमा गोल गरेर टिमको जित सुनिश्चित गरे ।
यस सिजन राम्रै खेल प्रदर्शन गरिरहेको सन्डरल्यान्ड हारपछि पनि ३६ अंकका साथ लिगमा नवौं स्थानमा छ ।
चेल्सीद्वारा उल्भ्स ३–१ गोल अन्तरले पराजित
प्रिमियर लिगमा पछिल्लो समय उत्कृष्ट प्रदर्शन गरिरहेको चेल्सीले गएरातिको खेलमा रेलिगेसनको सङ्घारमा पुगेको उल्भ्सलाई ३–१ गोलले पराजित गरेको छ ।
चेल्सीका लागि फर्वार्ड कोल पाल्मरले ह्याट्रिक गरेका थिए । उनले १३औं र ३५औं मिनेटमा दुई पेनाल्टी तथा ३८औं मिनेटमा गोल गरेर पहिलो हाफमै उल्भ्समाथि विजयको खम्बा गाडेका थिए ।
उल्भ्सका लागि टोलु आरुकोडारेले ५४औं मिनेटमा सान्त्वना गोल गरेका थिए ।
जितपछि चेल्सी ४३ अंकका साथ पाँचौं स्थानमा छ भने उल्भ्स ८ अंकका साथ लिगको पुछारमा छ ।
शीर्ष १० टिमको अंक तालिका
